المهزلة

اعلان منشور فى احد الجرائد
مطلوب مؤهلات عليا بمرتبات 900 جنيه وحوافز مغريه
اتصل على هذا الرقم

أنا عاده مش ببص للنوع ده من الاعلانات طالما مش مكتوب أى تفاصيل انما قلت نجرب

نتصل على الرقم ترد السكرتيره ان المقابله بكره
ايه نوع العمل يا بنت الحلال تقول مش عارفه

بعد دوخه على العنوان فى حته مش عارفه مالها كده
وشقه ما يعلم بيها الا ربنا
شكلها اساساً مريب
أول مدخلت قلتلها مش دى شركه ............
قالتى السكرتيره اه
ايه ده اومال عامله كده ليه
ولا فيه اعلان ولا يافطه ولا اسم ولا اى حاجه ليه كده
- حتى الفرش نفسه مجرد مكتب فاضى بائس وكام كرسى مش عارفه لاقنهم جنب بيت مين -

قالتلى احنا لسه ناقلين الفرع هناولسه المكان مش جاهز
قلنا مش مشكله
ايه يا بنتى طبيعه العمل
قالت ايه لا انا كل الى اعرفه انك تملى الابليكيشن ده وتدفعى رسوم الاختبار
دبت فى قلبى الريبه
فسألتها كام يعنى
قالتلى اتنين جنيه
قلت مش مشكله لو نصابين كانوا طلبوا مبلغ مش إتنين جنيه
دول حتى مش هيكملوا تكاليف الاعلان

كل الى طلبتوه منى هو البطاقه الشخصيه
دون الاهتمام بالمؤهل او اى حاجه تانيه
ورقم البطاقه دونته عندها
ليه كده تقولى تعليمات

المهم دخلتنى للراجل الى المفروض انه هيعملى الاختبار
ولا مؤاخذه انا لو اختبرته مش هشغله

اول لما دخلت قرأ إسمى بصعوبه ملحوظه
سألته ايه طبيعه العمل
قالى اداره الاعمال
اه يعنى هنعمل ايه
قالى فيه تدريب لمده ثلاث ايام هيبدأ من بكره
وبعدها هنشغلكم على طول

مواعيد العمل من كام لكام
قالى من 9 صباحاً لـ 6 مساءاً

المرتب كام

لاقيت بيقولى اسم الله عليه 400 جنيه

كنت هموت وأقوله أومال ليه كاتبين فى الإعلان 900 جنيه

بصتله بقرف

واخدت بطاقتى –الى نمرتها معاهم –
وقلتله شكراً ومشيت

............................................................

يعنى هو كاتب 900 جنيه وحوافز اروح يقولى 400 طيب ليه الكذب
ميقول 400جنيه والى شايف انها مناسبه يروح مش عاجبه ميتعبش نفسه من الاول

وبعدين ايه الشغل الى الناس تبقى مش عارفه تشتغل ايه ده

مش المفروض الجرايد تتأكد من مصداقيه المُعلنين
أعتقد ان الجرايد مشاركه فى هذه المهزله