مِـــــــن هُــنــــــــا وهُــنـــــــــاك

يا تهانى يا حبيبتى الواحد يزعل لما يكون معاه حاجه وضاعت منه
إنما يبقى غلطان لما يزعل على حاجه مكنتش ملكه أساسا
ـــــــــــــــــــــــــــــ
أحمد ذكى
إضحك الصوره تضحك حلوه

معاك ألف حق والله يا أحمد
الله يرحمك

..........................................................


الهنا مزغلل عنيه شايفه كل حاجه بمبى
ـــــــــــــــــــــــــ
سعاد حسنى
بمبى بمبى

أنا برضه عنيه مزغلله
بس أنا بقه مبقتش شايفه خالص

كل ما بفتكرك يا سعاد بحزن وبخاف من بكره أكتر
كنت ورده وفى النهايه مت وحيده غريبه
الله يرحمك يا سعاد

............................................................

يا ما شفنا فى عيون حلوين حكايات القلب المسكين
أولها ورد ويسمين وأخرها إنجرح اليسمين
ــــــــــــــــــــــــــ
نجاه الصغيره

الحمد لله أن الورد لسه سليم مجرالوش حاجه اليسمين بس الى إنجرح
معلش أخد الشر وراح

.........................................................


لما يطلع علم أمريكا فى التلفزيون المصرى مرافقا لخبر عراقى
يبقى عيب
ــــــــــــــــــــــــــــــــــــــ
ساعتها بس حسيت أن العراق من أراضينا المحتله

....................................................

- طارق لطفى أخد زمبه
- مصطفى قمر أخد منى ذكى
- حنان ترك أخدت الناقه وشرخت
- هانى رمزى أخد تاكس

ــــــــــــــــــــــــــــــــــــــــــــ
أخر مشهد من فيلم الحب الأول

....................................................


يا ما يا ما عِشاق نسيوا الأشواق
ضاعوا وصاروا ها العمر فراق
يا ما كِنا نقول عاشقين على طول

لا مش معقول تقدر يا فراق
دارى المكتوب يا هوى مكتوب
ولا تتعبى يوم يا قلوب

معقول إنساك معقول تنسانى أنا على طول
ـــــــــــــــــــــــــــــــــــــــــــــــــ
فضل شاكر

أرجوك يا فضل متقولش كده تانى
-كل شىء خلاص إنكشفن وبان-
من هنا ورايح كله بقه معقول
صدق بقه يا أخى أنت إيه مسمعتش إن
الى مش بيشوف من الغربال يبقى أعمى

......................................................

بمناسبه بقه الإعلان إياه الى كل الناس بتتكلم عنه
الإعلان إتعمل لـ ( تسويق ) السياحه فى مصر بس مع الأسف أدى إلى ( تسويئ ) سمعه مصر

ويجعله عامر

.....................................................

أما بقه بمناسبه رجوع الأستاذ عمرو خالد لمصر وحواره المثير للجدل

فأحب أقوله معلش يا أستاذ عمرو انا لا أحب البين بين


.................................................


حال البلد اليومين دول ينطبق عليه كلمه فى أغنيه حليم " لستَ قـَـــلبى "

صَحوةَ الموتِ ما أرى , أم أرى غفوةَ الحياه

أما حالى بقه ممكن أعلق عليه من أغنيه لسميره " حاله ملل "

إحساسى بالى جاى إحساس مليان أمل , بس الى أنا عايشاه هوه حالة ملل


ـــــــــــــــــــــــــــــــــــــــــــــــــــــــــــ

ومن يدرى لعل َ اللهَ يُحدِثُ بعدَ ذلِكَ أمراً

 

إنمــــــا أصــنامُــــــنا بَــشَـــــــــر

الأصنام قد تكون من حجر وهى لا تمثل مشكلة , وقد تكون من البشر
يرون , يسمعون , ولكنهم لا يتأثرون , لا ينفعلون, هؤلاء هم الأصنام الحقيقيون

فى مسلسل الأصدقاء الى كان بيقوم ببطولته محمد وفيق , صلاح السعدنى , فاروق الفيشاوى , وسوسن بدر
كانت سوسن بدر بتقوم بدور شاعره قد قهرها الزمن ووئد موهبتها بعد زواجها
وقيلت الجمله التاليه على لسانها تعبيراً عن حاله حب من طرفٍ واحد
-قبل زواجها طبعاً-

" إنك لا تشبه الصنم , ولكنك صنمُ , فى زمانٍ غيرَ زمانِ الجاهلية "

ده طبعا لأن زمان الصنم كان مقدس
إنما النهارده يعنى لا شىء

.............................................

أنا شخصيه يَصعب عليها التعامل مع ناس بتتعرف عليهم لأول مره
وده إحساسى مع كل الناس حتى لو أعرفهم من زمان
كأنى بتعرف عليهم لأول مره
دايما ماما بتقولى وأنا رايحه أى مكان
بلاش شغل الأصنام ده
- ده الى هو أنا ولامؤاخذه -
بفضل ساكته طول الوقت
أعمل إيه بس مش بلاقى أى كلام أقوله
وأى شىء يُــقال بعدَ الذى قِــيلَ

..................................................

أما الأصنام الحقيقيه فدول زى ما وصفهم مطر

إنما أصنامُنا بَشَرُ


يا قدس معذرةً ومِثلى ليس يعتَذِرُ
مالى يدُ فى ما جرى فالأمرُ ما أمروا
وأنا ضعيف ليس لى أثرُ
عارُ علىٌ السَمعُ والبَصَرُ
وأنا بسيف الحرف أنتحرُ
وأنا اللهيبُ وقادتى المطرُ
فمتى سأستَعِرُ ؟؟
لو أن أرباب الحمى حجرُ
لحمَلتُ فأساً فوقها القدرُ
هوجاء لا تُبقى ولا تذرُ
لاكنما أصنامُنا بشرُ
الغَدرُ منهم خائفُ حَذِرُ
والمَكرُ يشكو الضَعفَ إن مَكَروا
فالحربُ أغنيه يجن بلحنها الوترُ
والسَلمُ مُختَصَرُ
ساقُ على ساقُ ,وأقداحُ يعرشُ فوقَها القَدَرُ
وموائدُ من حولِها بَقَرُ
ويكون مؤتمَرُ
هُزى إليكَ بجذعِ مؤتَمَر ,يَساقِطُ حَولَكَ الهَذَر
عــــــــــــاشَ اللهيبُ ويسقطُ المطرُ
ــــــــــــــــــــــــــــــــــــــــــــــــــــــــــــ

فى القلب يا مطر

 

كــتــكـُـم الـقــــــــرَف مـَلــيـتــو الـبـَـــــــــلــد

كنت قريت الخبر ده عند لستُ أدرى
بتتكلم عن الموجه الحاره القادمه
–بلا قافيه-
فاتوره التليفون

وبمناسبه الموضوع ده إفتكرت مناقشه كانت فى مجلس الشعب
عن إعاده هيكلة البنية التحتية لإنشاء شبكات نت مستقله عن شبكات التليفون
وده لأنها تؤدى خدمه مختلفه و سيكون سعر الخدمه أرخص
زى كل دول العالم المحترمه
النت اربعه وعشرين ساعه سبعه ايام فى الأسبوع وبمبلغ مادى زهيد للغايه
يعنى قريب من فاتوره الزباله الى لسه هندفعها إن شاء الله

أتذكر أن شخص ما يعيش بكندا
قد ذكر لى أن تكلفه النت فى الشهر 30 دولار
ولو حبينا نقارنها بمستوى الدخل هناك هنلاقيها
حاجه زى 30 جنيه أو ممكن 3 جنيه بس

ـــــــــــــــــــــــــــــــــــــــــ
الله أيام الرخا هترجع تانى

أه نرجع بقه لمجلس الشعب الموقر
-الموقر عائده على المجلس عشان محدش ياخد فى نفسه قلم يعنى-
القرارات بعد ما بيتم مناقشتها والموافقه عليها
بتدخل الفرن عشان تستوى , بس من الواضح إنها بتتحرق

ـــــــــــــــــــــــــــــــــــــــــــــــ
دوله عالم تالت وعايزين نت طول اليوم
وكمان بمبلغ مناسب للدخول
مش تحلم على أدك يا أخويا إنت وهيا
كتكم القرف مليتو البلد

 

فضائح نتائج الشهادات العامه

بالرغم من أن محافظتى أنهت إمتحان الشهاده الإعداديه قبل محافظتى القاهره والجيزه
إلا أن النتيجه لم تظهر حتى الان
وقد تسرب هذا الخبر
أن محافظ المدينه يرفض مستوى النتيجه وتم إعادتها للكنترول للرفع

و سبق أن سمعت تصريحا منسوب لوكيل وزاره التربيه والتعليم فى محافظتى
أن هناك مشكله فى مستوى التعليم حتى ان طالب المرحله الإعداديه لا يمكنه كتابه إسمه

طيب أحب أقول لحضرتك أن نص حاملى الشهادات المتوسطه مبيعرفوش يكتبوا إسمهم
ممكن أسألك حضرتك إيه الى إتغير بعد محضرتك جيت على الكرسى
طيب فين إنجازات سعادتك


لندع هذا جانبا

لما النتيجه مش كويسه طلعوها كده
متخدعوش الطلبه واولياء الأمور
والى غلط يتحمل نتيجه خطأه

فيه بقه نكته من كام يوم ظهرت نتيجه الصف الثالث والسادس من المرحله الإبتدائيه
وأنا بجيب نتيجه واحد جارنا
لاقيت أخويا بيقولى إيه ده ده جايب 45 من 40 فى التربيه الدينيه
إيمانه قوى
ربنا يقوى إيمانا

 

خـَــــــدَعُــــوكَ فــقَـــالـــــــــــــــــوااااااااا

أحد برامج التلفاز وهو ما يُدعى أضواء
معلش بدايه متحزلقه
إنما ما باليد حيله
هذا البرنامج فى حلقته التى عرضت عصر اليوم
حلوه حكايه عصر اليوم دية
البرنامج كان يناقش قضيه البحث العلمى فى مصر
إيه ده هيه مصر فيها بحث علمى؟
فلنفترض جدلاً
كان فيه مجموعه من الضيوف كل منهم يتنصب على كرسى لا بأس به
لفت نظرى عده أشياء
أولاً هو شكوى المسؤولين من قله ميزانيه البحث العلمى مما يعوق عمليه البحث
منا قلت كده مفيش بحث ............. قالوا إطلعوا من البلد
طيب المسؤلين بيشتكوا لمين ............بيشتكولى أنا؟
الحلول بقه كانت رفع ميزانيه البحث العلمى فى الدوله والتى تساوى الآن 1 فى المائه فقط
هاقولكم فى الآخر هيرفعوها أزاى
لوووووووووووووووووول
المسؤول التانى كان بيتكلم كلام معاكس وهو زياده معدلات البحث العلمى
انما أعطى تفسيرين لهذه الزياده أنا معهم قلبا وقالباً
السبب الاول هو قناعه خريج الجامعه أن درجه البكالوريوس لم تعد كافيه
ده من وجهه نظرى من حيث المستوى العلمى
ومن وجهه نظره ليكون قادرا على تحمل أعباء الوظيفه
طيب يا سعاده المسؤل ايه لازمه البكالوريوس لما ينتج خريج مش قادر يقوم بإلتزامات الوظيفه
هو العيب هنا فى الخريج ؟ ولا فى الوظيفه؟
أكيد فى مستوى التعليم .......... ولا سعادتك رأيك إيه؟
السبب التانى هو البطاله
وعندما يتأكد للشاب انه سيظل لما يقارب من لثلاث سنوات قادمه يبحث عن عمل يفكر فى شغل الوفت بإستكمال دراسته الجامعيه
إى والله هو الى قال كده
وسعادتك فرحان ليه أوى يا سى المسؤل – ما هو شر البليه ما يضحك-
بالكلام ده بفتكر جمله لأستاذ الريبوتكس لما قال أن درجه الدكتوراه أصبحت إلزاميه
ومعنى إلزاميه ...- فى رأى- هى أقل درجه علميه تمكنك من شغل وظيفه
طبعا كان فيه مشكله لأحد الضيوف أنه مكنش عارف الفرق ما بين المُنتَج والمُنتِج معلش معلش
وكان بيقول عايزين نزود التموين نياههههههههههههههه يقصد التمويل
- جل من لا يسهو-
مقلتلكوش بقه إزاى هيزودوا ميزانيه البحث العلمى
طبعا آخذين فى عين الإعتبار أسباب اللجوء للبحث العلمى
- من وجهه نظر سى المسؤول-
1- البكالوريوس لم يعد كافيا للبحث عن وظيفه
2- الإستفاده من الوقت حتى الحصول على وظيفه – البطاله-
مصدر التمويل هيكون جيب الخريج المأسوف على شبابه –إى والله-
حيث أن وزاره البحث العلمى تفضلت مشكوره برفع مصاريف الدرجات العلميه بواقع 1500 جنيه فقط لا غير
رفع يعنى ده إضافه إلى المبلغ الأساسى – الذى يتراوح من 600 إلى 100 جنيه حسب الدرجه العلميه-
المبلغ ده بيدفع أول كل سنه لحد ما يحصل على الدرجه العلميه
أنا بسأل أصحاب الياقات البيضاء الى قاعدين على الكراسى فى التكييف وبيحللوا ااأسباب ويبحثوا عن الحلول التى غالبا ما تكون أشبه بالمسكنات يعنى مجرد تغييب إحساس زائف بعدم وجود المرض
سيادتهم بقه مسمعوش عن المثل المصرى الى بيقول

الضرب فى الميت حَـــــــــــرااااااااااااااااامُ
- إى والله-

 

حكـــــاية بلا بـــــــدايــة وبلا نهـــــــــايــة

إحسَــــــــــاس مُجــــرد إحسَـــــــــــاس


قالوا : " إن الحب يطيل العمر "
حقا .. حقا .. إن الحب يطيل العمر ! !
حين نحس كأن العالم باقة زهر
حين نشف كما لو كنا من بللور
حين نرق كبسمة فجر
حين نقول كلاما مثل الشعر
حين يدف القلب كما عصفور ..
يوشك يهجر قفص الصدر ..
كى ينطلق يعانق كل الناس !
كنا نجلس فوق الرملة
كانت فى أعيننا غنوة
لم يكتبها يوما شاعر

ــــــــــــــــــــــ
نجيب سرور


ثــــــــــم


ومضيتُ أبحثُ عن عيونِكِ ..... خلفَ قضبان الحياهْ
وتعربدُ الأحزان في صدري ... ضياعاً لستُ أعرفُ منتهاه
وتذوبُ في ليل العواصفِ مهجتي ويظل ما عندي سجيناً في الشفاه
والأرضُ تخنقُ صوتَ أقدامي ....... فيصرخُ جُرحُها تحت الرمالْ
وجدائل الأحلام تزحف .... خلف موج الليل بحاراً تصارعه الجبال
والشوق لؤلؤةٌ تعانق صمتَ أيامي ويسقط ضوؤها خلف الظلالْ
عيناك بحر النورِ يحملني إلى زمنٍ نقي القلبِ .. مجنون الخيال
عيناك إبحارٌ ... وعودةُ غائبٍ........ عيناك توبةُ عابدٍ...
... وقفتْ تصارعُ وحدها شبح الضلال
مازال في قلبي سؤالْ .. كيف انتهتْ أحلامنا ؟
مازلتُ أبحثُ عن عيونك علَّني ألقاك فيها بالجواب
مازلتُ رغم اليأسِ أعرفها وتعرفني ......
.. ونحمل في جوانحنا عتابْ
لو خانت الدنيا ..... وخان الناسُ .......وابتعد الصحابْ
عيناك أرضٌ لا تخونْ
عيناك إيمانٌ وشكٌ حائرٌ
عيناك نهر من جنونْ
عيناك أزمانٌ ومرٌ
ليسَ مثل الناسِ شيئاً من سرابْ
عيناك آلهةٌ وعشاقٌ وصبرٌ واغتراب
عيناك بيتي .....عندما ضاقت بنا الدنيا .... وضاق بنا العذاب


ما زلتُ أبحثُ عن عيونك ...... بيننا أملٌ وليدْ
أنا شاطئٌ ألقتْ عليه جراحها ......... أنا زورقُ الحلم البعيدْ
أنا ليلةٌ .........حار الزمانُ بسحرها
عمرُ الحياة يقاسُ بالزمن السعيدْ
ولتسألي عينيك أين بريقها ؟
ستقول في ألمٍ توارى صار شيئاً من جليدْ ..
وأظلُ أبحثُ عن عيونك خلف قضبان الحياهْ
ويظل في قلبي سؤالٌ حائرٌ إن ثار في غضبٍ تحاصرهُ الشفاهْ
كيف انتهت أحلامنا ؟
قد تخنق الأقدار يوماً حبنا
وتفرق الأيام قهراً شملنا
أو تعزف الأحزان لحناً من بقايا ... جرحنا
ويمر عامٌ .. ربما عامان .......... أزمان تسدُ طريقنا
ويظل في عينيك موطننا القديمْ
نلقي عليه متاعب الأسفار في زمنٍ عقيمْ
عيناك موطننا القديم وإن غدت أيامنا ليلاً يطاردُ في ضياءْ
سيظل في عينيك شيءٌ من رجاءْ
أن يرجع الإنسانٌ إنساناً يُغطي العُرى يغسل نفسه يوماً ويرجع للنقاءْ
عيناك موطننا القديمُ وإن غدونا كالضياعِ ........ بلا وطن
فيها عشقت العمر أحزاناً وأفراحاً .......... ضياعاً أو سكنْ
عيناك في شعري خلودٌ .......يعبرُ الآفاقَ ... يعصفُ بالزمنْ
عيناك عندي بالزمانِ .......وقد غدوتُ ............ بلا زمنْ

ــــــــــــــــــــــــ
فاروق جويدة



غيرت فينا السنين والنَسيم أصبح عَواصِف
وِسط إحساسنا الحزين إنجرح قلب العَواطِف

ـــــــــــــــــــــــــ
إنكسر جوانا شىء
على الحجار




فـنكــتشف أنــــــــه قــــــــد تغير كــل مـــــــا فينا



تغير كل ما فينا..تغيرنا
تغير لون بشرتنا . ....... تساقط زهر روضتنا .........
. تهاوى سحر ماضينا
تغير كل ما فينا...تغيرنا
زمان كان يسعدنا ...نراه الآن يشقينا ...
...وحب عاش في دمنا ...تسرب بين أيدينا
وشوق كان يحملنا ...فتسكرنا أمانينا ......
. ولحن كان يبعثنا ...إذا ماتت أغانينا تغيرنا
تغيرنا ....تغير كل ما فينا
وأعجب من حكايتنا ...تكسر نبضها فينا
كهوف الصمت تجمعنا ...دروب الخوف تلقينا
وصرتِ حبيبتي طيفا لشيئ كان في صدري
قضينا العمر يفرحنا ....وعشنا العمر يبكينا
غدونا بعده موتى ..فمن يا قلب يحيينا ؟

ــــــــــــــــــــــ
فاروق جويدة

 

ومن شر حاسد إذا حسد.....معلومه طريفه

مجموعه من زميلاتى كانوا بيتكلموا عن الحسد

طبعا الحسد مذكور فى القرآن يعنى لا جدال عليه

إنما إحداهن من المعتقدات جدا فى الحسد بصوره تخوف


فانا ليه رأى ان احنا الى بنخلى فى دماغنا ان شخص ما حسود
لاننا منقدرش نجزم بده
مفيش حاجه تؤكد ان حد حسود
بس اعتقادنا هو الى بيتسبب فى الحسد

واحد زميلنا بقه قال معلومه طريفه اوى
كنت اول مره اسمعها

قال ان الإنسان يدور حوله ما يسمى بالطيف
وقد تمكن العلماء من قياسه

وهو عباره عن موجات
الشخص الحسود..فى حاله الحسد
لما بيشوف حد بتتكون ما بين الإثنين
تداخل فى الموجات مما يؤدى الى وجود نقاط مظلمه
ده طبقا لعم الفيزيقا
والنقاط السوداء ديه هى التى تؤثر وتؤدى الى وقوع أشياء مضره

قلت صحيح العلم نوووووووووووووور

 

قِـــــــفا نَــبـــــــكِ

قفا نبكِ من ذِكرى حبيب ومنزل
عينيا كل ما بتفضى دموعها بتتملى
نيها هههههههههههههه

منجلكوش فى حاجه وحشه

 

سِــــــــــرإختفاء مدونـــــــــــة سيما توجراف

أنا أعتبرها من أجمل أساليب التدوين
سيما توجراف
راح فين
المدونه بالكامل تم حذفها
وإمتلاك آخر لها
وإتجاه مختلف
أنا قضيت وقت طويل فاكره إنى غلطت لحد ما لاقيت
chaosgnosis
برضو بيتسائل
يا ريت يكون فى حد عنده فكره


هو إيه الى بيحصل
خير اللهم إجعله خير

 

جولـه فى ســــــــــور الأزبكيـــــــــــه

الحقيقه من فتره قريبه كنت عايزه اشترى كتاب فى بحوث العمليات
وانا بتكلم مع واحد زميلى قالى انه بيشترى الكتب من سور الازبكيه بس بتبقى طبعات قديمه ومتهالكه وبتكون بسعر رخيص يعنى أقصى حاجه لأى مرجع عالمى عشرين جنيه

فرحت جدا , وقلت فيه امل , المهم روحت فى نفس اليوم للسور ولا قيت كتاب متخصص فعلا هو مش لنفس الكاتب إنما ينقصه موضوع واحد قلت مش مشكله
بكام الكتاب لو سمحت , إتصدمت بكام
150 جنيه

,هاههههههههههه ,بصراحه كل الى كان معايا مكنش يكمل خمسين جنيه
طبعا قعد يشرحلى فى ميزات الكتاب وكنت مستغربه مدى إدراكه هيه حاجه كويسه بس ده الى خلاه يبيعه بالسعر ده-أحيانا الجهل بيكون مفيد لوووووووووووول-
الكتاب كان طبعه جديده والسى دي بتاعته كمان مش قديمه وده الغريب هو مش سور الأزبكيه للكتب القديمه ولا انا غلطت فى العنوان؟
قلتله طيب شكراً ومشيت
الراجل كان بره السور فقررت أكمل الجوله داخل السور
ودخلت مجموعه لا بأس بها من المكتبات, يمكنك معرفه محتوى المكتبه من المظهر الخارجى لصاحب المكتبه , فمنهم من يبيع المجلات القديمه من مجلات الموضه والكمبيوتر, وهناك من يبيع الكتب الدينيه والاخر يبيع القصص , والروايات , وهذا يبيع كتب الطب والصيدله , ووصلت إلى موطنى كتب الهندسه , يعنى المرادى الكتاب متهالك حقا , ونسخه قديمه يمكن قبل ما اتولد كمان
أيوه الكتاب ده الى مكتوب عليه بالأصفر لاقيته بيقولى إسم الكتاب والكاتب
لأ وإيه عامل نظام تكويد
يعنى معاه ورقه مكتوب فيها إسم الكتاب والكاتب والموضوع وشويه معلومات تانيه
بكام قالى 55 جنيه أومال زميلى كان بيضحك عليه ولا إيه
ضحكت وقلتله بقولك إيه مفيش كتاب بعشرين جنيه , طبعا أكيد إفتكرنى جايه اهرج
الكتاب نسخه أصليه طبعه حديثه يساوى أكتر من 150 جنيه يعنى الكتاب ده فعلا مع الدكتور الى بيدرسلنا الماده وقال انه جايبه 350 دولار بس ده ايام ما كان عايش فى أمريكا يعنى 350 دولار تمثل كلام فاضى

إنما هنا والى رايح السور عايز كتاب كويس ورخيص وإبن ناس

 

أسجل إعتراضى

أيوه أنا معترضه
معترضه جدا
وأسجل إعتراضى

لووووووووووووووووووول
هأقولكم على إيه

على نظام الإمتحانات ................ الإمتحان بتاع الورقه والقلم ده نظام عقييييييييييييم
وفاشل .......... ولا يقيس اى مهاره

بس لسه متوصلتش للنظام المقترح
لووووووووووووووووووول

 

أورَاقِــــــى الخَــــــاصَــــــةُ

قررت إفراد مدونه خاصه بكتاباتى

شويه كلام تافه

حبيت أنه يطلع للنور

يعنى هحاول انى أكتب الى كنت كاتباه زمان

بس طبعا هستثنى منها

مذكرات طالب فاشل لأنها مطوله سنييييييين

وده البداية

أورَاقِــــــى الخَــــــاصَــــــةُ

 

أنا ولا مؤاخذه......... بستهبل

إمبارح بعد الإمتحان كنت فى حاله زهول

توهان

مستغربه إيه الى حصل فى الإمتحان ده

هو مين الى كان بيمتحن أنا؟؟ مش ممكن

زميلى بيقولى عملتى إيه فضحكت بصوره غريبه وقلتله ولا حاجه

بيقولى إيه ده انتى بتضحكى كده ليه

أنا مكنتش عارفه فيه إيه

ولحد دلوقتى مش عارفه

بضحك من شده الحزن

ومن شده الاندهاش

انا لومضحكتش هعيط

فممكن تقول إنى بستهبل

 

سؤال؟؟؟؟؟؟؟؟؟؟؟؟؟؟

واحد زميلنا كل منخرج من الامتحان

بيعرض علينا سؤال واحد
هاقول لبناتى إيه ؟؟؟؟؟؟؟
لووووووووووووووووووووول