وِجهَـة نَـظـــر لا مَـــرئـــيـٌــــة

ولتكن مشيئتك كما هى فى السماء على الأرض

2007-11-12T11:36:00.000+02:00

يا من أمره بين الكاف والنون

ان اراد شيئا انما يقول له كن فيكون

يا من يعلم ما قد كان وما سيكون

وما لم يكن ان كان كيف يكون

العذاب....... حلم

2007-10-29T03:12:00.000+02:00

كان العذاب رجلاً

وقد اعتبره البعض إمرأه

ولكن العذاب

حلم لا تستطيع الوصول إليه

ماذا تفعل ؟؟؟؟؟؟؟

2007-10-16T14:19:00.000+02:00

عندما تشعُر أن الإنسان الذى بداخلك قد تحولَ إلى شخصٍ آخر

انت لم تعد انت

أقبلَ العيدُ ، ولكنْ ليسَ في الناسِ المسرَّه

2007-10-12T14:12:00.000+02:00

أقبلَ العيدُ ، ولكنْ ليسَ في الناسِ المسرَّه

لا أَرى إلاَّ وُجُوهاً كالحاتٍ مُكْفَهِرَّهْ

كالرَّكايا لم تَدَعْ فيها يدُ الممتاحِ قطرَهْ

أو كمثلِ الرَّوضِ لم تَتْركْ به النكباءُ زهرَهْ

وعيوناً دَنقتْ فيها الأماني المُسْتَحِرَّهْ

فَهْيَ حَيرى ذاهلاتٌ في الذي تهوى وتكرَهْ

وخدوداً باهتاتٍ قد كساها الهَمُّ صُفْرَهْ

وشفاهاً تحذرُ الضحكَ كأنَّ الضحكَ جمرَهْ

ليسَ للقومِ حديثٌ غير شكوى مستمرَّهْ

قد تساوى عندهُمْ لليأسِ نفعٌ ومضرَّهْ

لا تَسَلْ ماذا عراهُمْ كلُّهم يجهل ُ أمرَهْ

حائرٌ كالطائرِ الخائفِ قد ضَيَّعَ وكرَهْ

فوقَهُ البازِيُّ ، والأشْرَاكُ في نجدٍ وحُفْرَهْ

فهو إنْ حَطَّ إلى الغبراءِ شَكَّ السهمُ صدرَهْ

وإذا ما طارَ لاقى قشعمَ الجوِّ وصقرَهْ

كلُّهم يبكي على الأمسِ ويخشى شَرَّ بُكْرَهْ

فهمُ مثل عجوزٍ فقدتْ في البحرِ إبرَهْ

*********

أيّها الشاكي الليالي إنَّما الغبطةُ فِكْرَهْ

ربَّما اسْتوطَنَتِ الكوخَ وما في الكوخِ كِسْرَهْ

وخَلَتْ منها القصورُ العالياتُ المُشْمَخِرَّهْ

تلمسُ الغصنَ المُعَرَّى فإذا في الغصنِ نُضْرَهْ

وإذا رفَّتْ على القَفْرِ استوى ماءً وخُضْرَهْ

وإذا مَسَّتْ حصاةً صَقَلَتْها فهيَ دُرَّهْ

لَكَ ، ما دامتْ لكَ ، الأرضُ وما فوق المَجَرَّهْ

فإذا ضَيَّعْتَها فالكونُ لا يَعْدِلُ ذَرَّهْ

أيُّها الباكي رويداً لا يسدُّ الدمعُ ثغرَهْ

أيُّها العابسُ لن تُعطَى على التقطيبِ أُجْرَهْ

لا تكنْ مُرَّاً ، ولا تجعَلْ حياةَ الغيرِ مُرَّهْ

إِنَّ من يبكي لهُ حَوْلٌ على الضحكِ وقُدْرَهْ

فتَهَلَّلْ وتَرَنَّمْ ، فالفتى العابسُ صَخْرَهْ

سَكَنَ الدهرُ وحانتْ غفلةٌ منهُ وغِرَّهْ

إنَّهُ العيدُ … وإنَّ العيدَ مثل العُرْسِ مَرَّهْ

-----------------------------------------

إليا أبو ماضى

الله اكبر بسم الله بسم الله

2007-10-06T17:35:00.000+02:00

النهارده السادس من اكتوبر

لما كنت فى المدرسه الاعداديه والثانويه

كنا لازم نحتفل بذكرى السادس من اكتوبر كل سنه

فى طابور الصباح يطلع الحاج فاروق

وده كان مدرس التربيه العسكريه

كان من ابطال اكتوبر

ويبدا بسم الله وميخلصش كلامه لحد ما ياخد وقت الطابور

والحصه الاولى والى يقدر عليه من الحصه التانيه

اول ما يطلع ويمسك الميكروفون

تشوف الملل تصاعد فى وجه كل الطلبه فى الطابور

باسثناء طلبه الصف الاول الاعدادى لانهم ميعرفوش ايه الى هيجصلهم

وانهم هيقفوا اكتر من ساعه ونص على ارجلهم يسمعوا فى حكايات الحاج فاروق

الحكايات كانت اه جميله وقويه ومؤثره وخصوصا انها من حد عاش اللحظات دى

وبالرغم من انى سمعتها ست مرات على مدار الست سنوات

فى المرحلتين الاعداديه والثانويه وانها حكايات لنفس الشخص

الا انى لا اذكر منها سوى ان رجلى كانت بتوجعنى من الوقفه

وحاجه كمان كان دايما بيرددها

لا اعرف مدى صحتها من خطئها

وهى بنص قوله وصوته يدوى فى الميكرفون ليسمع كل انحاء البلده

لو لم يُعلن وقف اطلاق النار يا اولاد لكنا حررنا فلسطين

كنا النهارده نبقى جوه فلسطين ارضنا المقدسه

كنا محينا حاجه اسمها اسرائيل من على وجهه الارض

تفتكروا الحاج فاروق كان بيتخيل ولا ده كان ممكن يحصل فعلا
على اى حال رحم الله الحاج فاروق

.......................

على فكره احنا كنا بنادى للاساتذه بحاجات كتير غير استاذ

يعنى المديرمثلاً كنا بنقوله يا حاج

وطبعا اى واحد حاج كنا بنقوله كده

والاستاذ الى ليه لحيه يبقى الشيخ فلان

وكان فيه استاذ كان قسيس كنا بنقوله يا مقدس

وممكن توصل انك تقول للاستاذ يا ابو محمد

عادى يعنى

حكــــــــايــــــة

2007-08-30T12:05:00.000+03:00

لا اتذكر حتى كيف بدات الحكايه ولكنها بدات وحسب

تصاعدت الاحداث ولكن فى هدوء مميت

لم اكن ارغب بهذا الهدوء يوما

قد يكون هذا الهدوء هو السبب فى نهايه غير مفهومه

فحياتى الهادئه لا تحتمل مزيدا من الهدوء

فهكذا تكون كمن يروى الزهور الصغيره بالثلج

بدات بهذه الكلمات و انا بطبيعتى لا أحتمل القصص العاطفيه

وخاصه عندما تنتهى نهايه مثل تلك النهايات الحزينه

امسكت بيدها فى محاوله للتخفيف عنها

ولكنى حقا لم ارغب فى سماع المزيد

فبعضهن يعتبرنى ساحه للإعتراف

وقد ملىء قلبى بجراحى وجراحهن

فهذا الوادى الاخضر قد نضب عشبه بل احترق من المآسى

وهذا النهر الفياض قد جفت كل ينابيعه

حقا لم يعد هناك المزيد

فما عدت استطيع اداء هذا الدور بمهارتى المعهوده

ولكنها حتى لم تعطينى الفرصه فى القبول او الرفض

ارتمت على كتفى والدموع تنهمر من عينيها كالسيل العرم

يدمر كل ما تبقى لدى من شجاعه

لاشاركها بدموع صامته فحتى الدموع جفت

قبضت بيدى جيدا على يدها كفاكنا

رفعت راسها وهى تمسح دموعها ونظرت فى عينى ثم قالت

استصدقينى عندما اقول لك اننى لم احبه

اندهشت من جملتها الغير متوقعه

اذا فلماذا تبكيه بهذه الحرقه ولماذا تشعر بكل هذا المرار والاسى

بدت علامات التعجب تظهر على وجهى

وكانى استحثها على استكمال كلماتها

ارتمت بكامل جسدها على المقعد المجاور فى استسلام كامل

وانا انتظر بشغف حركه شفتاها

قالت كان دائما يحاول الاقتراب

ودائما يعبث بالكلمات الواضحه المباشره ذات المعانى المؤثره

تلك التى يدق لها القلب

ويحلم بها منتظرا ان تدق بابه

كان يقول انه يحبنى

يريد ان يبقى الى جوارى الى الابد

لا يستطيع الحياه ابدا بدونى

صمتت قليلا واغمضت عيناها الحالمتان واخذت نفسا عميقاً

ثم استكملت

كان يقول لى انه يمكنه ان يفعل اى شىء مهما يكن لاجلى

ولاجلى انا فقط

لم اصدقه يوما

كنت دائما اشعر بالخوف

انا لم امر بتجربه سابقه

لم اعرف الكثير عن دنيا الرجال

ولكنى اعرفه هو جيدا

كم كان رقيقا

جذابا

رومانسيا

متألقا فى كل آن

عاقلا ومجنونا

يلمع الذكاء فى عينيه

والاكثر من ذلك انه عذب الكلمات

كلماته كانت تقتحم قلبى دون اذن

تعبر كل الحواجز والموانع والعوائق التى افتعلها

لتسكن فى قلب يرتجف من شده الخوف

كان يقول انه سينتظرنى طول العمر حتى اكون له

وانه يعلم انى معجبه به

لم ادرى لماذا يقربنى بكلماته الى هذا الحد

ثم يقذب بى بلا هواده فى وجه الحرمان

استمر يطاردنى بعباراته المرسومه بيد فنان محترف

دمر كل الجسور التى بنيتها لحمايتى من هؤلاء العابثين

انا لم احبه ولكنه تربع فى عقلى وتفكيرى

اصبح كمفرده من مفرادات الحياه بالنسبه لى

ثم سافر بحجج واهيه و لم يعلن انه انهى لعبته على قلبى

او انه اوقف الصراع الذى اقامه مع مشاعرى

ولكنه امدنى بمزيد من الامل فى لقاء محتوم

كنت احاول من باب الفضول ان اعرف اخباره

وعندما عاد فى اجازه خاطفه

فاجئنى بانه قد تزوج

انهمرت فى البكاء ثانيه ولكنها لم تتوقف عن الكلام

وكانه صفعنى بيد من نار يمتد لهيبها الى جذور قلبى

نار لا تخمد ابدا

انا حقا لم اصدقه

ولم احبه يوما ما

ولكنى لا استطيع ان انساه

كيف انسى انه كان يكذب ويكذب ولا ادرى لماذا؟

صورته الرائعه وادائه البارع

جعلا منى اسيرةً لهذه الكلمات العابثه التى لا هدف لها

لقد دمرنى

فكيف استطيع ان اكمل حياتى كيف اصدق اى انسان؟

مهما كانت مشاعره صادقه

لن يستطيع احدهم ان يكون فى مهارته وابداعه

وهل لكلمه احبك معنى اخر؟

هل لها معنا اخر؟

ظلت تتكلم عنه لساعات طويله

تتكلم وتتكلم

وكانها تحدث نفسها فانا لا اجد كلمه واحده لأقولها

كعادتى امسك بايديهم برفق

احتضنهم بحنان وامومه

انزف من داخلى لالامهم

ولكنى لا استطيع ان افعل غير من ذلك

ولربما اكتب قصه لتكون دليلاً دائما امام عينى على ان الغد لن يأتى بالجديد

وهنا اشعر بالخيانه

ألا يمكن ان افعل شيئا سوى الرقص على الجراح

؟؟؟؟؟؟؟؟؟؟؟؟؟؟؟؟؟؟؟

هل لى أن أعود ؟؟؟؟؟

2007-08-21T00:05:00.000+03:00

وحشتنى اوى او يمكن حنينى لايام زمان ولمه الاصحاب

يمكن هيه بالذات او اى حد تانى

او مجرد انى عايزه ارجع كل الى كنت اعرفهم لحياتى من جديد

المهم انى عايزه اتصل بيها دلوقتى اسمع صوتها لا انا عايزه اشوفها

مسكت التليفون وقعدت ادور على النمره

ايوه ادى النمره

اضغط على اتصال

جرس طويل ايه الملل ده

جايز تكون مستغربه النمره

وأخيرا جانى صوتها وكأنه يزف الى البشرى

*الو

وبهدوئى المعتاد

ازيك يا ....

*و بشىء من ملامح الاستغراب فى صوتها مين معايا ؟

بابتسامه ايضا هادئه مش فاكرانى؟

*الصوت مش غريب

وهنا تذكرت اسمى فنطقت به بسرعه البرق

*......... ازيك واحشانى بجد

*ياه يا بنتى انتى فينك وعامله ايه

شعرت ببعث جديد لسماع صوتها
الشجى و اجبتها عايشه

انتى واحشنى بجد ونفسى اشوفك

*انتى فين دلوقتى

انا هنا فى القاهره

*من امتى

من سنه وكام شهر كده

*اخص عليكى ومتحاوليش تتصلى

ادينى اتصلت انا فعلا عايزه اشوفك

وبعد مداولات نتقابل فين اتفقنا

ورحت وكانى رايحه ميعاد غرامى

قلبى عمال يرتجف ومبسوطه وحاسه انى طايره من على الارض

اول لما وقعت عنينا على بعض تعالت اصواتنا وطبعا سلام وقبلات واحضان

لحد مهدينا وقعدنا

قعدنا نفتكر

احنا كنا دايما مع بعض

يمكن مكنش اختيار اد مكان قدر

وبعد كده دخلنا على مرحله ما بعد التخرج

بدات تحكيلى عن الى حصلها فى السنتين الى مشفناش بعض فيهم

حسيت اد ايه كنا قريبين من بعض

واننا كنا محتاجين فعلا نتقابل

الاحداث فى حياتها كانت كتيره ومتلاحقه

من شغل لشغل

وتغيير مكان سكنها

خطوبتها وبعدين خطوبتها تانى

احلامها الى حققتها والى لسه محققتهاش والى عايزه تحققها

لحد موصلت للمكروباص الى ركبته وهيه جيه تقابلنى

وهنا وكأنها وصلت لمحطتى انا فسألتنى

*وانتى ايه اخبارك

ابتسمت كالعاده ورديت كالمعتاد

عايشه

*ايه يا بنتى مفيش غير عايشه

دى الحقيقه

انا اتغير فى حياتى تلات حاجات

كنت طالبه وبقيت طالبه بس بشرطه

كنت عايشه مع اهلى ودلوقتى عايشه مع اصحابى

كنت مكتئبه عشان مش عارفه اشتغل ومش عارفه الاقى نفسى

وبقيت مكتئبه لانى بحب شغلى اكتر من اى حاجه تانيه لحد منسيت نفسى

-يعنى ممكن تقولى كده من سىء الى اسوأ-

وفى النقله من بيتنا لهنا سيبت حاجات كتير اوى

يمكن دلوقتى حاسه انى سيبت نفسى هناك

يعنى المفروض اعيد النظر فى موضوع اذا كنت عايشه فعلا ولالأ

وهنا شعرت بالاختناق الذى اشعر به كلما فكرت فى حياتى

بقولك ايه متيجى نتمشى احسن

وفضلنا نلف فى الشوارع الى اصبح مع الاسف هوايتى المفضله

مشينا على اتفاق اننا هنتقابل تانى وعلى طول

بس مشيت وانا عماله افكر فى موضوع انى نسيت نفسى فى بيتنا

نسيت احطها فى شنطه سفرى

تاهت روحى منى فى السفر

وبعدت عن نفسى

حتى انى تقريبا قفلت دماغى ومبقيتش بفكر فى حاجه

زى ما اكون ميته

فهل لى ان اعود

؟؟؟؟؟؟؟؟؟؟

أهكذا أبداً تمضي أمانينا ** نطوي الحياةَ وليلُ الموت يطوينا

تجري بنا سُفُنُ الأعمارِ ماخرةً ** بحرَ الوجودِ ولا نُلقي مراسينا؟

قد كنتُ أرجو ختامَ العامِ يجمعنا ** واليومَ للدهرِ لا يُرجى تلاقينا

هل تذكرين مساءً فوق مائكِ إذ يجري ** ونحن سكوتٌ في تصابينا؟

والبرُّ والبحر والأفلاكُ مصغيةٌ مَعْنا ** فلا شيءَ يُلهيها ويُلهينا

يا دهرُ قفْ، فحرامٌ أن تطيرَ بنا ** من قبل أن نتملّى من أمانينا

ويا زمانَ الصِّبا دعنا على مَهَلٍ ** نلتذُّ بالحبِّ في أحلى ليالينا

خُذِ الشقيَّ وخذْ مَعْه تعاستَهُ ** وخلّنا فهناءُ الحبِّ يكفينا

هيهات هيهات أن الدهرَ يسمع لي ** فالوقتُ يفلت والساعاتُ تُفنينا

فلنغنمِ الحبَّ ما دام الزمانُ بنا ** يجري ولا وقفةٌ فيه تُعزّينا

-----------------------------------

مقطتفات ترجمه

لبحيره لامارتين

قطار

2006-03-22T01:20:00.000+02:00

عندما كنت اجلس لاتابع شريط ذكرياتى
مرت كل الوجوه امام عينى فى سرعه فائقه
وعادت لتحيا امامى الشخصيات والاحداث من جديد
اذكرهم جيدا فليس من عاداتى النسيان

يعاود الشريط العديد من الوجوه مرات متتاليه وتختفى اخر
لم ادرى لماذا ؟

ولكنى حاولت ان استنتج معنا لما يحدث الان
حاولت ان افهم واستشف ما وراء هذا الفيلم محفوظ المشاهد معاد الوجوه متكرر الاحداث

من سنوات ليست بالقليله عرفت وجهه نظر اعتبرها الان فلسفيه

أننا قد عشنا احداث حياتنا من قبل ولذا دائما ما نشعر بتكرارها

اصدق هذه الكلمات كلما يمر بى حدث واتحسس ما سيحدث والحوارات والكلمات والنظرات وهذا الهاتف الذى يعلو بصوته ويكرر هذه الفكره الفلسفيه
انا عيشت اللحظه دى قبل كده ؟

ولكنى اليوم ارى صوره القطار عرباته مؤلفه من الوجوه التى قابلتها على متن رحله الحياه
يمر بحطات عديده فتمتلىء حياتى بالرافدون الجدد اعتاد وجودهم ولكن غالبا تاتى محطه وفيها ينزلون

منهم من رافقته لعام او اكثر ومنهم من رافقته لخمس او يزيد ومنهم من لى قرين
واخرون ارى صورتهم لمره واحده وقد لا تقع عينى عليهم ابدا ولكنهم يتغلغلون بداخلى

اخرجوهم من داخلى فانا اريد قطارا خاليا من العربات

اخرجوهم من داخلى فانا ابحث عن صفحه نقيه بيضاء بلا وجوه تنتظر المحطه المقبله

اخرجوهم من داخلى فما عدت احتمل لحظات الفراق

اخرجوهم لانهم حتما ويوما ما سيخرجون ويخلفون عربه القطار فارغه بارده
وتزداد صوره فى البوم الذكريات تحمل قصه لفلم معاد الاحداث تتباعد المسافه بين ابطاله يوما بعد يوم

اخرجوهم الان اريد ما امام عينى خاليا لا يشغله بشرى

يا من ركب قطارى يوما ما اتذكر تلك الرحله ؟؟

كلمات أعجبتنى

2006-03-22T01:11:00.000+02:00

لكل فعل حُر سببين يتضافران على استحداثه أولهما سبب معنوي هو الإرادة التي تحدد الفعل وتعينه، وثانيهما وهو القوة التي تنفذه

الرجل الحُر هو الذى يفعل ما يريد، وألا يريد أكثر مما يستطيع

___________

الفيلسوف الفرنسى
جان جاك روسو

كل سنه ....... وانتم طيبين

2006-01-09T22:18:00.000+02:00

عيد سعيد

عفواً .............. فما زال هناك بقية من أنثى

2006-01-09T01:45:00.000+02:00

توقف بسيارتة التى كانت منذ بضع سنوات أحدث موديل

وبالرغم أنٌى أحفظ بعضاً من أرقام نمرتها ولكن لم تسعفنى الذاكرة
فتح الباب فجأه وترجل إلى فى ثبات وثقه وكأن هناك سابق معرفة

رجل فى منتصف الاربعينات مازال يحتفظ بوسامه الشباب, ويتألق بالرجوله,

يرتدى نظارته السوداء وجاكيت من الجيلد الاسود وبنطالاً أسوداً

وكأنه يتخفى عن عيون العالم ويحجب النور عن جسده فأصبح منفصلا عما يحدث فى أرض البشر.

قطع أفكارى التى إعتدت متابعتها على ارصفه طرقات تلك المدينه المزدحمه

فقد أصبح من إحدى عاداتى أن اجوب شوارع المدينه طولاً وعرضا فى طريق عودتى متمعنه فيما يحدث ,

أُزيلُ آثار يومٍ مضى ...أُفتته على الأرض تحت قدمىٌ

-.......... مش ممكن أنا مش مصدق عنيه , إيه الى جابك هنا

لحظات من الذهول مَن هذا الرجل الذى يعرف إسمى ويعرف أنه جديدا على التواجد فى هذه المدينه
نظرت إليه فى إندهاش , وأمئت برأسى , وحركت إحدى يدى بصيغه الإستفهام
ورسمت تلك الإبتسامه على وجهى إنتظاراً للإجابه

فإقترب قليلاً وخلغ عن عينيه وشاحها الأسود الذى يوارى عيناه العسليتان وشيئا من حاجبيه الكثيفان
إبتسم فى هدوء وصمت ليرى وقع رؤياه على وجهى

تسمرت فى مكانى ولم انطق ببنت شفه , ولكن سرعان ما أطلقت صيحه مدويه بإسمه ..........

-إحكيلى إيه حصلك فى السنين الى فاتت بقه كام سنه يعملوا فيكى كده ... ده انا عرفتك بالعافيه

وأنا معرفتكش أصلاً

-ماشى يا سيدتى

وبدأت اتراجع إلى صورتى الوقوره التى اصبحت كقناع أُخفى به ما غيرته السنوات

كنت فى حاجه ماسه للحوار (فى أى موضوع كنت عايزه اتكلم وخلاص)
فوجدت منه مستمعاً جيداً , ومحاوراً لبقاً ينتهز كل فرصه ليعرف ماذا حدث فى غيابه

لم أجد ما اقوله فى بادىء الامر واخيراً نطقت
سمعت إنك سافرت
-إيه ده إنتى متابعه أخبارى بقه
فنظرت إليه بما يعنى –إتلم-
إبتسم ونظر إلى الارض ضاربا إياها بحذاءه الأسود اللامع ورفع عينيه مره أخرى وقال فى ترقب

- إتجوزتى

فى مثل سنى اصبح هذا السؤال مخجلاً , والإجابه غالباً ما تطرح سؤالاً جديداً
-ليه
- مكنش ناقص غير إنه يقولى لحد دلوقتى-
حرك شفتيه باحثاً عن سؤال آخر
-إنتى ساكنه قريب من هنا
أه آخر الشارع
- وبتيجى هنا كتير

ده طريق شغلى طبيعى امشى من هنا

النيل والخضره والايدى المتعانقه والمراكب الصغيره وحلول ليل القاهره
-لسه بتكتبى
أحياناً
-مبسوطه
إممممممممم .......... إلى حد ما

أهدى إلى زهره تحمل شىء من رائحته وصوره لأيام ماضيه

ولحظه اعيشها وشىء من الخوف وكثير من المراره

ولكن هذه المره لم يستطع ان ينسخ عليها حروف إسمه كما كان يفعل مع الوريقات فى عهد مضى

إزدادت بروده الجو حولى وعلا صوت عقارب الزمن فشعرت بمرور الوقت

وشىء من ضيق الافق والملل ونظرت فى ساعتى عدة مرات متتاليه

-عايزه تمشى

منا طول عمرى ماشيه

وإختلسنا بعض النظرات المتتاليه , نظرات لآدم وحواء التى ماتت بداخلى وكأننا نحاول أن نعيد الزمن
-.............. وحشتينى

فتعالت ضحكتى التى كتمت من سنوات وتردد صداها على جانبى النيل
وعدت لأنظر فى داخلى , لأرانى أرضاً صلبة و جسداً من خشب.

تعليقاً على مشاهد من الذاكره

2005-11-21T01:02:00.000+02:00

مشهد -1-

كل منٌا يستمرىء من يُصَلٌى فى محرابه

مشهد -2-

ذاك هو الاحساس الذى عندما تشعر به تبتسم ابتسامه مره المذاق

مشهد -3-

أوسيحمل هذا القطار يوما من أنتظر

مشهد -4-

كل ما اتمناه هو ان اجثو على ركبتى إقترابا واخضب الارض بدموع معطره بالحنين

مشهد -5-

قرب فجرنا يطلع ونجوم الليل تتركنا
خلى وسادتك قلبى نام وبكرا موعدنا
صحى الشمس فى صوتك وبكرا بهمس صحينى
ابى اسمع صباح الحب من صوتك ينادينى
قرب فجرنا يطلع ونجوم الليل تتركنا

مجرد كــــــــــــــــــــــــــلام

2005-11-21T01:01:00.000+02:00

يا شارع الأضواء! ما لون السماء
و علام يرقص هؤلاء؟

من أين أعبر، و صدور على الصدور
و الساق فوق الساق. ما جدوى بكائي
أي عاصفة يفتتها البكاء؟

فتيممي يا مقلتي حتى يصير الماء ماء
و تحجّري يا خطوتي! هذا المساء..
قدر أسلمه سعير الكبرياء

من أي عام أمشي بلا لون
، فلا أصحو و لا أغفو و أبحث عن كلام؟
أتسلق الأشجار أحيانا و أحيانا أجدّف في الرغام

و الشمس تشرق ثم تغرب..
و الظلام يعلو و يهبط.
و الحمام ما زال يرمز للسلام!

يا شارع الأضواء، ما لون الظلام
و علام يرقص هؤلاء؟

ــــــــــــــــــــــــــــــــــــــــــ

خواطر فى شارع الأضواء

...........................................

علّقوني على جدائل نخلة
واشنقوني.. فلن أخون النخله!

هذه الأرض لي.. و كنت قديما
أحلب النوق راضيا و موله

وطني ليس حزمة من حكايا
ليس ذكرى، و ليس حقل أهلّه
ليس ضوءا على سوالف فلّة

وطني غضبة الغريب على الحزن
وطفل يريد عيدا و قبلة
ورياح ضاقت بحجرة سجن
و عجوز يبكي بنيه.. و حقله

هذه الأرض جلد عظمي
و قلبي.. فوق أعشابها يطير كنحلة

علقوني على جدائل نخلة
و اشنقوني فلن أخون النخلة !

ـــــــــــــــــ
وطن

.......................................

-3-

لنقل مع الأجداد :خير!
هذا مخاض الأرض: خير !
تضع الوليد غدا.. ربيعا أخضرا!
كعيون سائحة أطلّت ذات فجر!
لا الأم أمي ..
لا الوليد أخي ،و لا
ذات العيون الخضر لي
و أقول :خير!

-4-

يا نوح!
هبني غصن زيتون ...... ووالدتي.. حمامة!
إنّا صنعنا جنة كانت نهايتها صناديق القمامة!
يا نوح!
لا ترحل بنا إن الممات هنا سلامة
إنّا جذور لا تعيش بغير أرض..
و لتكن أرضي قيامه!

ــــــــــــ

مطر

..................................

عندما ينطفيء التصفيق في القاعة
و الظلّ يميل
نحو صدري..
يسقط المكياج عم وجه الجليل
و لهذا.. أستقيل!..
أجد الليلة نفسي
عاريا
كالمذبحة
كان تمثيلي بعيدا عن مواويل أبي
كان تمثيلي غريبا عن عصافير الجليل
و ذراعي مروحة
و لهذا أستقيل
لقنوني كل ما يطلبه المخرج
من رقص على إيقاع أكذوبه
و تعبت الآن ،
علقت أساطيري على حبل غسيل
و لهذا.. أستقيل.
باسمكم،أعترف الآن بأن المسرحية
كتبت للتسلية
رضي النقاد لكنّ عيون المجدلّية
حفرت في جسدي
شكل الجليل
و لهذا.. أستقيل
يا دمي ..
فرشاتهم ترسم لوحات عن اللد
و أنت الحبر ،
ما يافا سوى جلد طبول
و عظامي كالعصا في قبضة المخرج
لكني أقول:
أتقن الدور غدا يا سيدي
و لهذا.. أستقيل
سيداتي..
آنساتي..
سادتي!

سلّيتكم عشرين عام
آن لي أن أرحل اليوم
و أن أهرب من هذا الزحام
و أغنّي في الجليل
للعصافير التي تسكن عشّ المستحيل
و لهذا.. أستقيل
أستقيل
أستقيل ..

ــــــــــــــــــــــ
ويسدل الستار

.................................

مقتطفات من شعر:
محمود درويش

محطة مصر

2005-11-05T11:40:00.000+02:00

تدق الساعه ويحين الوقت للرحيل
الانتقال الى العاصمه ,

بعد محاولات مستميته مع أسرتى لقبول فكره العمل بالقاهره ,

كخطوه جديده من اجل التغيير.
أحزم أمتعتى لأذهب فى هذا الطريق أحاول أن احتفظ ببشاشه الوجه ,

وصفاء العينين , ولكن يدق قلبى بشىء من الخوف والقلق .
فقد تركت هناك كل سنوات عمرى ,

وكل ذكريات الطفوله والصبى – لم يكن للشباب حظ هناك-
الحياه هنا جديده والعمل جديد والصديقات جدد كل شىء حتى انا مختلف عن ذى قبل
فى الايام الاولى دائما فى منتصف الليل يراودنى احساس بالقلق والفزع

واحاول الاتصال هاتفيا بأسرتى لأطمئن عليهم ,

ولكنى أتراجع خشيه أن أقلقهم فى هذه الساعات المتأخره من الليل
لكن مع الوقت اعتدت كل مفردات الحياه هنا
اجوب فى المكان لاعرف الاحياء المجاوره
وسائل المواصلات لمكان عملى – وصلتلها بعد شهر ونص –
وكيفيه قضاء احتيجاتى اليوميه
ولكن مشكلتى من نوع خاص

أنا مش بلاقي مكان أعيط فيه !!!!!!م

صور .........من زمان

2005-11-05T11:35:00.000+02:00

وانا بتفرج على صور بابا

فيه صوره كان بابا فى بدايه العشرينات , كل الى معاه فى الصوره ناس كبار أو أطفال صغيريين
محاولتش أسأله عن حد من الصغيرين لأنه أكيد مش هيعرف هما بيمثلوا مين دلوقتى
ولا حتى عن الكبار
لكن قلتله بابا هو المكان ده فين؟ , كان فرح مين ده ؟
قالى انه كان فرح واحد صاحبه لما كان بيشتغل فى السبعينات فى محافظه قنا
وأنهم كانوا بيراسلوا بعض ويتصلوا ببعض هاتفيا لفتره طويله بعد بابا ما نقل عندنا

ودلوقتى يا بابا ؟؟

الدنيا تلاهى

...................................

مسكت البوم صورى وأنا بسأل نفسى ليه بنجرى وناخد صوره مع بعض ؟
بكون حزينه وانا ماسكاها دول كانوا اعز اصحابى معقول نبعد كده

ياااااااااااه دايما وفى كل صورنا معاك بكون جنبك!!
مش لأنى بحب أكون فى نصف الصوره ........ لأ

بس لأنى دايما كنت بحاول أقيس المسافه بينى وبينك

................................

فى قوضتى فيه تابلوه فاضى
كل ما يدخل اخويا الصغير يمسكه ويكون على لسانه يسألنى ليه هو فاضى
وبعدين يلعب بيه شويه ويسيبه ويمشى
لكن النهارده مسكه وسألنى ليه التابلوه ده كده؟
قلتله اومال يبقى إزاى؟
قالى يبقى فيه صورة
وعرض عليه انه يجيب صورته قلتله هاتها
ضبطها على قد التابلوه وجاب صور باقى أخواتى وحطهم صغيرين جنبها وسابه ومشى
بعد شويه مسكت التابلوه وشيلت صورهم وحطيتها تحت إزاز الترابيزه

يا إبنى التابلوه مش فاضى ........ انت الى مش واخد بالك

رسائل ..............إليهم

2005-11-05T11:30:00.000+02:00

إلى فتاه بيت المغتربات التى اهدتنى عودا من الياسمين فى الليلة الاولى من الشهر الكريم

شكرا

..........

إلى الطفله الصغيره إبنه سائق التاكسى

فرح : يا له من إسم مبهج لفتاة ذكيه

..........

إلى السيده الأنيقه صاحبه السياره الفارهه من أرسلها الله لى حينما ضللت الطريق

( ميرسيه يا طنط )

.............

إلى رفيقه سنوات الجامعه

عصفورتى إن أسرعت دقات قلبك فتمهلى
وقولى سأنسى آلام الماضى ........ وإفعلى
( عفوا لا أذكر إسم الشاعر )
..................

وإليهم* جميعاً

كل سنه وانتم طيبين

حوار مع رفيقة

2005-09-11T18:48:00.000+03:00

جلستُ فى هذا المقعد الفارغ وهى إلى جوارى
كان يوماً شاقاً , أسندتُ رأسى للخلف فى حاله إسترخاء تام
أغمضت عيناى , لأتفوه بكلمات دون تفكير

أنا تعبت

ظنت أن ما اعنيه هو الإرهاق فسألتنى

- إيه عندك صداع

فتحت عينى وبصيتلها وقلتلها لأ

أنا تعبت أوى فى حياتى
كنت فاكره انى ممكن اغير حاجه
أعمل بكره مختلف عن إمبارح

- وبعدين

وصلت لطريق مسدود
مبقاش قدامى حاجه ممكن اعملها تتدينى الامل
استفذت كل الحلول

ويبدوا ان الروح قد فارقتنى لما يقرب من الساعه والنصف
فلم انتبه الا على صوت الإذاعه الداخليه اننا قد وصلنا الى حيث نبغى

كنت مش فايقه , تقريبا لسه نايمه وعماله اتطوح زى ما اكون شاربه حاجه

لكن أول ما خطوت على الأرض ورفعت رأسى فرأيت الشمس فى لحظاتها الاخيره قبل الغروب
نظرت امامى وإبتسمت وأنا أُحدِثُ نفسى وأقول لها ....... برغم كل شىء ..... وبرغم كل ما حدث ..... وكل ما سيحدث ...... ومهما يكن

أناااااااااااا جدع

ميلاد أُمٌـــــــــــــــــــــة

2005-08-31T09:01:00.000+03:00

بُعث النبىُ محمداً برسالـــــهٍ **** صارت ضياءاً سابغا بسامـا

وإلتف حول محمد أصحابه **** نعم الصِحاب تقلدوا الإسلامـا

كانوا الهداة على الطريق كواكبا * صاروا على متن الهدى أعلاما

يا خير ميلاد لأعظم أمتـــه **** لما أتى الهادى ينير ظلامــا

مايكل هارت المؤوخ العلمانى ألف كتابا سماه العظماء مائه
وقد رتب الشخصيات طبقا لنجاحها فى آداء مهمتها
وكان على رأس كل الشخصيات رسول الله محمد صلى الله عليه وسلم

وقد ذكر المؤلف أن هذا الترتيب قد يثير الكثير من الجدل
ولكن الرسول محمد صلى الله عليه وسلم هو الوحيد الذى استطاع أن يؤسس دين عالمى وجيش سياسى قوى

أى أن محمد صلى الله عليه وسلم الرجل الوحيد في التاريخ كله
الذي نجح أعلى نجاح على المستويين: الديني والدنيوي
فهناك رُسل وأنبياء وحُكماء بدءوا رسالات عظيمة،
ولكنهم ماتوا دون إتمامها، كالمسيح في المسيحية،
أو شاركهم فيها غيرهم، أو سبقهم إليهم سواهم، كموسى في اليهودية،

ولكن محمداً صلى الله عليه وسلم هو الوحيد الذي أتم رسالته الدينية، وتحددت أحكامها، وآمنت بها شعوب بأسرها في حياته
. ولأنه أقام جانب الدين دولة جديدة، فإنه في هذا المجال الدنيوي أيضاً، وحّد القبائل في شعـب، والشعوب في أمة،
ووضع لها كل أسس حياتها، ورسم أمور دنياها، ووضعها في موضع الانطلاق إلى العالم. أيضاً في حياته،
فهو الذي بدأ الرسالة الدينية والدنيوية، وأتمها.

المصدر

موضوعات ذات صلة

......................................

اليوم أكملتُ لكم دينكم وأتممتُ عليكم نعمتى ورضيتُ لكم الإسلام دينا
صدق الرسول الكريم

من خطبه الرسول صلى الله عليه وسلم فى حجه الوداع

..................................

تحديث

ــــــــــــــــــ

بسم الله الرحمن الرحيم

{حُرِّمَتْ عَلَيْكُمُ الْمَيْتَةُ وَالْدَّمُ وَلَحْمُ الْخِنْزِيرِ وَمَا أُهِلَّ لِغَيْرِ اللّهِ بِهِ وَالْمُنْخَنِقَةُ وَالْمَوْقُوذَةُ وَالْمُتَرَدِّيَةُ وَالنَّطِيحَةُ وَمَا أَكَلَ السَّبُعُ إِلاَّ مَا ذَكَّيْتُمْ وَمَا ذُبِحَ عَلَى النُّصُبِ وَأَن تَسْتَقْسِمُواْ بِالأَزْلاَمِ ذَلِكُمْ فِسْقٌ الْيَوْمَ يَئِسَ الَّذِينَ كَفَرُواْ مِن دِينِكُمْ فَلاَ تَخْشَوْهُمْ وَاخْشَوْنِ الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً فَمَنِ اضْطُرَّ فِي مَخْمَصَةٍ غَيْرَ مُتَجَانِفٍ لِّإِثْمٍ فَإِنَّ اللّهَ غَفُورٌ رَّحِيمٌ}

سوره المائده ,الآية {3}

صدق الله العظيم

الآيه التى نزلت على الرسول وهو واقف بعرفه فى حجه الوداع

وقالت فيها اليهود

إنكم تقرؤون آية، لو نزلت فينا لاتخذناها عيداً

إلى أى دين.................

2005-08-30T03:33:00.000+03:00

Islam

96%

Buddhism

79%

Paganism

63%

Judaism

50%

Satanism

42%

Hinduism

33%

Christianity

29%

agnosticism

13%

atheism

13%

Which religion is the right one for you? (new version)
created with QuizFarm.com

طفلة

2005-08-26T12:18:00.000+03:00

مسكت إيدى اليمين قعدت تلعب بيها شويه وسألتنى

طنط انتى مخطوبة ؟؟؟

لأ يا حبيبتى

مسابتش إيدى اليمين انما مسكت إيدى الشمال وقعدت تقلبها وسألتنى

طنط إنتى متجوزة ؟؟؟

لأ يا حبيبتى

بصتلى بدهشه وقالت

أومال لابسه خواتم ليه !!!!!!!

فى الفتره الى فاتت

2005-08-26T12:08:00.000+03:00

فى شويه حاجت لفتت إنتباهى جايز
, استفذتنى ممكن , دعتنى للقلق إحتمال , أو للتفكير ربما

زى ايه

كنت بتصفح مدونه غاندى وهو
بيتكلم عن أسامه شلتوت مرشح حزب التكافل لرئاسه الجمهوريه

وبعدين كان بيقول على لسان
اسامه شلتوت

ان يتم محاسبه رئيس الجمهوريه فى منتصف المده

طيب ليه ميتمش محاسبه الرئيس الحالى ؟؟

الفلوس الى عماله تتصرف فى
الدعايه دى ....... ألا ينطبق عليها قانون من أين لك هذا ؟؟؟؟؟؟؟؟

..................................

فى برنامج حاله حوار يقول
أحد الساده الحضور من المنتمين إلى الحزب الوتنى

أن برنامج الوفد هو نفسه برنامج
الحزب الوطنى إلا أن ........ وخدوا بالكم من إلا أن دى

برنامج الحزب الوطنى مدروس ومخطط

فيقترح السيد المحترم على أعضاء
حزب الوفد إنتخاب مرشح الحزب الوتنى وبكده يبقوا نفذوا برنامجهم ومزعلوش الحكومه

أقترح أنا عليهم أنهم ينتخبوا
هم مرشح حزب الوفد وميتعبوش نفسهم وخلينا نجرب

وجايز ...... جايز اوى فى
يوم من الايام ينطبق عليكم المثل الى بيقول

يا ناكر خيرى بكره تعرف زمنى من زمن غيرى

..................................

سمعت فى برنامج البيت بيتك على
لسان محمود سعد

أن مسئول عن حى السيدة زينب قام
بإزاله كافه الملصقات والمعلقات التى تبايع سياده الرئيس

عقبال كل المسئولين

ويا ريت كمان القنوات تاخد
بالها انه السيد مرشح الحزب الوطنى مش محتاج أساسا لدعايه

يا واكل ناسك

.......................................

هنا هتكلم عن وسائل
المواصلات....... وبالتحديد أتوبيس مكتوب عليه خدمه ممتازه بيبدأ مشواره من منطقه
شبرا مرورا بالسيده والمعادى وصولا الى المقطم

طبعا مش هحكيلكم عن مدى الراحه
الى حسيت بيها لوووووووووول

انما الى لفت نظرى حاجه تانيه
خالص

التذكره مكتوب عليها

محافظه القاهره

هيئه النقل العام

( مصروع ) النقل الجماعى

.........................................

حاجه كمان كنت قدام التليفزيون
والشريط الى تحت ده مكتوب فيه اعلان انهم هيقطعوا الميه فى صباح اليوم التالى عن
منطقه مشغلتش بالى اعرف هيه مين

انما افتكرت ان بقالنا سنه او
يزيد والميه بتقطع عندنا من بعد الساعه العاشره صباحا الى الرابعه عصرا تقريبا

ثم من الخامسه مساءا الى ما شاء
الله

وعمرى مسمعت حد ناشدنا ولا سأل
فينا ........ الدنيا دى حظوظ

......................................

خلينا برضو فى التلفزيون والميه

إعلان على قناتنا المحليه
المبجله السابعه ....... الى محسسانى اننا مش بنسيب الغيط

- لكن الحقيقه الناس شبه الناس
الى بشوفهم -

المهم الاعلان بيقول ان يجب على
الفلاح ترشيد استخدام المياه والرى بالتنقيط

يعنى الفلاح يركب للبحر خرطوم
يعنى ويرش ولا ايه مش يوزنوا كلامهم

وبعدين هما سمعوا عن مشروع
تصدير المياه المجففه الى انا هعمله ولا ايه

عموما ولحد ميكون فيه نظام
تنقيط للفلاح فيا ريت....... يا ريت ينقطونا بسكاتهم

...................................

طبعاً الفيلم التسجيلى عن حياه الرئيس ........ ومش هاعلق

.................................

والفندق المحترم الى وافق على اقامه حفل زفاف لرجلين من الخليج ......

وكفايه كده